單詞：gwo
音標：［ kʷɔ33 ］
1, ［動詞］：經過(地點，時刻)，傳遞。
對應中英文：過
1.1 跨越，穿越（空間，或同空間相關嘅事物）。
例句：
Gwo gongj wanr sikh mx yih. Yanjzvh wanh svnxlongh, aurdath.
過江搵食唔易。因住暈船浪，嘔突。
電影《放逐》
Ngoq louhgwo zaa. Gwo mx dour aa.
我路過咋。過唔到啊。
Zij coengj dauj haur dauj minh deoi zvh ngoq aa.
支槍兜口兜面對住我啊。
電影《放逐》
Gaanrseoirminh mouq gwo laangqhor, soryiq sengx wunr tongj yauq gaanrseoirmeih.
鹼水麪冇過冷河，所以成碗湯有鹼水味。
電影《食神》
Gwo maaix neij go saanj, zauh faanj dou Pouxtaix Dungr laa.
過埋呢個山，就返到菩提洞喇。
電影《西遊記大結局之月光寶盒》
1.2 跨越，穿越（抽象空間，或代表抽象空間嘅事物）。
例句：
Daaihyanx, neiq gwo yatj gwo mukh laak.
大人，你過一過目嘞。
電影《九品芝麻官》
Gwo dour gwatj laak.
過到骨嘞。
電影《九品芝麻官》
Waij! Gaausauh aa, gamr yauh dikjyixcerkok gwo mx dour gwatj ger.
喂！教授啊，噉又的而且確過唔到骨嘅。
Paak ngaanghdong, bongj bongj saur, zoi gaaur gaaur keoiq timj aa.
拍硬檔，幫幫手，再搞搞佢添啊。
電影《百變星君》
Go louqpox zungh gwo maaix sanj timj.
個老婆仲過埋身添。
電影《意外》
1.3 度過（一段時間，時間節點）。
例句：
Yoekhyinx mxhaih, gwo maaix gamjninr, ngoq zauh sei saph gaa laa.
若然唔係，過埋今年，我就四十㗎喇。
電影《濟公》
Yiqcinx gor faanh yeq, gwo mx dour sai gaa.
以前嗰瓣嘢，過唔到世㗎。
電影《樹大招風》
Yatj go zingsoengx ge naamxyanr waihzor zeoi oi ge yanx,
一個正常嘅男人爲咗最愛嘅人,
mx gongr daaihwaah dimr gwo yatj sai?
唔講大話點過一世？
電影《無雙》
Gwo maaix gamjyath,
過埋今日。
daaihgaaj douj mouq toj mouq him.
大家都冇拖冇欠。
電影《無雙》
Yixgaaj ceotjbinh yehzungrwuir siurzer nej,
而家出便夜總會小姐呢，
gwo yatj maanq daaihkoi yiu sauj mej gaacinx?
過一晚大概要收咩價錢？
電影《喜劇之王》
1.4 超過，高於（某個量度標準，如數字；或某個參照物）。
例句：
Neiq zauh gwo saai forwair laaj. Daar zek wujyingj sair mxsair baau zeonj aa?
你就過晒火位啦。打隻烏蠅使唔使爆樽啊？
電影《破壞之王》
Waij! Deng faanj zvn aaj?
喂！掟返轉吖？
Mour laaj!
mour 啦！
Neiq hour noih mouq zaaj. Paaix douj gwo maaix keix.
你好耐冇揸。牌都過埋期。
電影《神探》
1.5 人物移動，或轉移物件（所有權）。
例句：
Waax! Neiq yikj haaq dij gaaijfongj.
嘩！你益下啲街坊。
Gwo loengq ziuj laix sair haaq. Hour mxhour aa?
過兩招嚟使下。好唔好啊？
電影《家有喜事》
Yanxdeih gwo dour sou, ngoq sinj beir dour cinr neiq ge aajmaa.
人哋過到數，我先畀到錢你嘅吖嘛。
電影《逃學威龍》
Zeoir deoi zeoir gwo dij yoengxhei beir keoiq.
嘴對嘴過啲陽氣畀佢。
Gamr horyiq zorzir dour keoiq faat waix gaa.
噉可以阻止到佢發圍㗎。
電影《西遊記大結局之月光寶盒》
1.6 標記物件到達嘅終點或接受者。
例句：
Ngoq sengx baanj hingjdaih gangr gwo saai heoi gorbinh laaj.
我成班兄弟梗過晒嗰便啦。
Haih aa, bongjzvr.
係啊，幫主。
電影《西遊記大結局之月光寶盒》
Sijfur, gwo gor binj zamj zamj aaj. Laix aaj!
師傅，過嗰邊斟斟吖。嚟吖！
電影《鹿鼎記》
Ngoq hangr gwo laix. Beir zukj minr laaj.
我肯過嚟。畀足面啦。
電影《放逐》
2, ［介詞］：經過(地點，時刻)，到；表示一個事物比另一個多，或者程度高。
對應中英文：過
例句：
2.1 跨越，穿越（空間，或同空間相關嘅事物）。
例句：
Waij! Zouh mej maaiq paangj zukj maaiq gam noih aa?
喂！做咩買䥋粥買咁耐啊？
Hoengr douh! Ngoq zinghwaah seonhbinr toj go aapox gwo maaqlouh zej maa.
晌度。我正話順便拖個阿婆過馬路啫嘛。
電影《功夫》
Ngoq giu neiq daai ngoq heoi Hongxlungx tauxtoij gor douh aajmaa.
我叫你帶我去降龍投胎嗰度吖嘛。
Haangx gwo geir tiux maih haih loj.
行過幾條咪係囉。
電影《濟公》
2.2 指通過一個完整嘅動作，使某一領域（無論係物理空間，時間維度，仲係狀態領域）被新嘅內容覆蓋或重置。over。
例句：
Wunh gwo zoengj congxdaanj keoiq.
換過張牀單佢。
Aaq! Mxhaih. Zoengj congx pekhzor keoiq.
咓！唔係。將床擗咗佢。
Ganjzvh maaiq gwo zoengj sanj congx.
跟住買過張新床。
電影《百變星君》
Cengrmanh neiq yauq mouq gin gwo keoiqdeih aa?
請問你有冇見過佢哋啊？
電影《放逐》
Nqoq yixgaaj gingrgou neiq aax.
我而家警告你呀。
Neiq yiqhauh hourhourdeir cungxsanj hokh gwo dimryoengr zouh yanx aa.
你以后好好地重新学过點樣做人啊。
電影《跛豪》
Ngoq haih waah, neiq hor' mx horyiq, wanr gwo daihyih fanh yeq zouh.
我係話，你可唔可以揾過第二份嘢做。
電影《濟公》
Daaihyanx yauq mouq dukh gwo svj gaa?
大人有冇讀過書㗎？
Zij neiq douj mouq dukh gwo svj ge laak.
知你都冇讀過書嘅嘞。
電影《九品芝麻官》
2.3 度過（一段時間）。
例句：
Louqyex daar dinhwaar faanj laix,
老爺打電話返嚟，
keoiq waah gwo loengq yath faanj laix taam neiq woq.
佢話過兩日返嚟探你喎。
Giu keoiq lor doj yatj baak maanh meiqgamj gwo laix.
叫佢攞多一百万美金過嚟。
電影《百變星君》
Gwo geir yath aabaax, aamaaj baat saph daaihsauh.
過幾日阿爸，阿媽八十大壽。
電影《家有喜事》
2.4 超過，高於（某個量度標準，如數字；或某個參照物）。
例句：
Neij lox gauh manxginr, cvnxbouh ciuj gwo saph ninx ge laa.
呢籮舊文件，全部超過十年嘅喇。
電影《國產凌凌漆》
Muiq ninx coq hair douh, mxsair zouh, douj zaanh gwo yikj.
每年坐喺度，唔使做，都賺過億。
電影《黑社會以和爲貴》
Zaurbaaj gwo baak gaanj.
酒吧過百間。
Geijpour, songjnaax gaaj maaix gai ngq-lukh saph gaanj.
機舖，桑拿加埋計五六十間。
電影《黑社會》
Yaux gunjzung taixgungj pindvnh, gin dour caakhyanx leix hoij ge sixhauh,
由觀衆提供片段，見到賊人離開嘅時候，
tungx hair fuhganh beimath zapjkanx ge Feijfur deoiryvnx faatsangj coengjzin.
同喺附近秘密執勤嘅飛虎隊員發生槍戰。
Soengjfongj hoij coengj gwo baak for.
雙方開槍過百火。
電影《樹大招風》
Waaq! Giuzor neiq baanj yaurzair pingxsix kanxlikhdij daarsou ge laaj.
哇！叫咗你班友仔平時勤力啲打掃嘅啦。
Gaajzanr yoengq dou dij zijzvj zungh daaihzek gwo ngoq.
家陣養到啲蜘蛛仲大隻過我。
電影《西遊記大結局之月光寶盒》
Mouq ganj wox, zikhtaux. Hour yeq aa, zanj haih. Mx svj gwo Gaurlongxsingx gor dij aa.
冇跟啝，直頭。好嘢啊，真係。唔輸過九龍城嗰啲啊。
電影《低俗喜劇》
Daar daar saat saat mour faanx ngoq.
打打殺殺mour 煩我。
Ngoq tair haaq haamxdaair hour gwo.
我睇下鹹帶好過。
電影《國產凌凌漆》
Zing seoijzair laix ge, saangj gauh caajsiuj hour gwo saangj neiq.
正衰仔嚟㗎，生嚿叉燒好過生你。
電影《濟公》
2.5 人物移動，或轉移物件。
例句：
Neiq gwo yatj-loengq tiux kiur gwo laix fongx haaq sanj hour wox.
你過一兩條橋過嚟，防下身好啝。
電影《唐伯虎點秋香》
Neiq zij mxzij aa, haih ngoq cungj gwo heoi gau faanj keoiq gaa!
你知唔知啊，係我衝過去救返佢㗎！
電影《樹大招風》
Yvxgwor mxhaih neij go titlaanx,
如果唔係呢個鐵欄，
ngoq yatjdingh beihdakj gwo.
我一定避得過。
電影《回魂夜》
2.6 標記物件到達嘅終點或接受者。
例句：
Ngoqdeih nej, namr zvh coq svnr gwo Oumunr ge laa.
我哋呢，諗住坐船過澳門嘅喇。
電影《樹大招風》
Hauhmeij keoiq louqdauh gwozor sanj.
後尾佢老竇過咗身。
cvnxzor dong saangjyi gwo keoiq.
傳咗檔生意過佢。
電影《無雙》
Yauqwaix, lor faai hakjbou gwo ngoq mungx taux, yinxhauh yaph zaaph.
有爲，攞塊黑布過我蒙頭，然後入閘。
電影《九品芝麻官》
Daai maaix ngoq loengq go tungxhoengj,
帶埋我兩個同鄉，
gwo gaakleix lor siursiur yeq.
過隔籬攞少少嘢。
電影《國產凌凌漆》
Daanhhaih neiq zungh yauq dij mej seonr yeq, lor maaix ceotj laix gwo ngoq dakjgaar.
但係你仲有啲咩筍嘢，攞埋出嚟過我得㗎。
電影《九品芝麻官》
3, ［名詞］：過錯。
對應中英文：過
例句
Naax! Ngoq mxzeonr neiq gamr gongr aar. Yanx seoix moux gwo dakj gaak.
嗱！我唔准你噉講啊。人誰無過得。
電影《唐伯虎點秋香》
Daaihyanx yauq daaihloengh, daaihyanx batjgei siuryanx gwo.
大人有大量，大人不計小人過。
電影《鹿鼎記》