單詞：dou
音標：［ toʊ33 ］
1, ［動詞］：指人或事物抵達某個位置。
對應中英文：到
例句：
Waij! Dou neiq ukjkeir laa.
喂！到你屋企喇。
電影《家有喜事》
Dikhyanx dou aa, zeonrbeih.
敵人到啊，準備。
電影《百變星君》
Lokh- oj, dou caix laa.
樂哥，到齊喇。
Yauh svnx, yauh cej, sanjfur saai daaihgaaj.
又船，又車，辛苦晒大家。
電影《黑社會》
Aar? Neiq saph fanjzungj zauh dou aax?
嗄？你十分鐘就到呀？
Hour loj, hour loj. Ngoq hair daaihzaurdim ge saijcaanjtengj dangr neiq, haar!
好囉，好囉。我喺大酒店嘅西餐廳等你，吓！
電影《家有喜事》
Zikjhaih dong ngoq Hungx yex mouq liur dou zej!
即係當我洪爺冇料到啫！
Hingjdaih, laap gaacaangj. Gwo heoi yukj keoiq!
兄弟，擸架撐。過去喐佢！
電影《喜劇之王》
Siursamj.
小心。
Yauq dij liur dou aa.
有啲料到啊。
電影《百變星君》
2, ［介詞］：
對應中英文：到
2.1 指動作持續到某一節點（處所，時刻，數字，或標誌時刻嘅事件等）。
例句：
Faanj dou Hoengjgongr zijhauh,
返到香港之後，
ngoq wuiq gaau faanj zek sikj.
我會校返隻色。
電影《無雙》
Neiq mour gaaur ngoq aa,
你mour 搞我啊，
yixgaaj CeonxCirwongx daar dou laix aa.
而家秦始皇打到嚟啊。
電影《百變星君》
Svn laaj. Waah dou meiq.
算啦。話到尾。
Keoiq cirzungj douj haih yatj go dukhyatjmouxyih,
佢始終都係一個獨一無二，
fungjdouh pinjpinj ge zvjyukhlour.
風度翩翩嘅豬肉佬。
電影《國產凌凌漆》
Ngoq soengjseon zungr yauq yatj yath,
我相信總有一日，
ngoqdeih ge sanjtair,
我哋嘅身體，
daaihbouhfanh zoengj wuiq beih yanxzouh heigunj sordoihtai.
大部份將會被人造器官所代替。
Dou sixhauh, zirhaih laux faanj go nouq.
到時候，只係留返個腦。
電影《百變星君》
Soex, cingr manh zouh dou geir doj dimr, soex?
Sir，請問做到幾多點，Sir？
電影《新紮師妹》
Sour dou saamj, yvxgwor zungh gin dour neiq,
數到三，如果仲見到你，
ngoq zauh saih lokh heoi.
我就噬落去。
電影《百變星君》
Keixtaaj hair saamj saph ngq seoi dou ngq saph catj seoi zij gaanj ge,
其他喺三十五歲到五十七歲之間嘅，
ngoq yiqgingj wanr yanx daaiganr keoiqdeih faanj laix.
我已經揾人帶緊佢哋返嚟。
電影《無雙》
Dangr keoiq oj dou yatj bun sinj.
等佢屙到一半先。
電影《百變星君》
Zungrzij dangr dou ngoq yiu dangr ge yanx ceotjyinh,
總之等到我要等嘅人出現，
ngoq zauh wuiq zaur ge laa.
我就會走嘅喇。
電影《西遊記大結局之月光寶盒》
Zih sai dou daaih ngoq douj zungyungx neiq, keixsath haih hoihzor neiq.
自細到大我都縱容你，其實係害咗你。
電影《百變星君》
2.2 表示動作導致嘅狀態或結果。
例句：
Ngoq siuj saai neiq sengx sanj dij moux,
我燒晒你成身啲毛，
Gaaur dou neiq yiu manx meix tungxmaaix daai gaarfaat.
搞到你要紋眉同埋戴假髮。
Ngoq douj hour hauhfuiq.
我都好後悔。
電影《百變星君》
Zouh mej aaur dou ngoq gamr zej?
做咩拗到我噉啫？
電影《百變星君》
Bongjzvr, ngoq dongjyath haak dou zihgeir gwaih daij ge zaa.
幫主，我當日嚇到自己跪低嘅咋。
電影《西遊記大結局之月光寶盒》
Neiq mxnimh haaq dongjninx lengjzair tungx ngoq ze bunr "Yukh Pouxtvnx" beir neiq gaph.
你唔唸下當年僆仔同我借本“肉蒲團”畀你𥄫，
Neiq douj nimh haaq neij geir ninr ngoq tungx neiq maaih waar maaih dou neiq hamhgaaj fugwai aaj!
你都唸下呢幾年我同你賣畫賣到你冚家富貴吖！
電影《唐伯虎點秋香》
Ngoq beir go sirtaap haak dou daanhzor ceotj laix aa.
我畀個屎塔嚇到彈咗出嚟啊。
Neiq haih maih kamxmaanq daar maaxzoekr, daar dou sotjzor aa?
你係咪琴晚打麻雀打到short咗啊？
電影《百變星君》
Zirhaax Sinjzir zaakhngauq haih yauq yatj go kwaijgeoir ge.
紫霞仙子擇偶係有一個規矩嘅。
Yvxgwor daaihgoj neiq nangxgau zouhdakj dou,
如果大哥你能夠做得到，
gamr ngoqdeih zauh samjfukh haurfukh laak.
噉我哋就心服口服嘞。
電影《西遊記大結局之仙履奇緣》
2.3 表示動作或性質達到嘅程度。
例句：
Ngoq neij go hokhsaangj zauh zeoi yauq soengrzoenghlikh ge laak.
我呢個學生就最有想象力嘅嘞。
Maiq yauxdakj keoiq waanr dou zeonh loj.
咪由得佢玩到盡囉！
電影《百變星君》
Ngoq zvr ge ngauxyukhminh,
我煮嘅牛肉麪，
baauj neiq sikh dou lemr lemr leih aa.
包你食到舔舔脷啊。
電影《百變星君》
Aah! Neij yoengh yeq aah, neoiq benghyanx zi yauq ge.
啊！呢樣嘢啊，女病人至有嘅。
Batjgwo yimxzungh dou keoiq gamr nej, naamx benghyanx douj hornangx wuiq yauq ge.
不過嚴重到佢噉呢，男病人都可能會有嘅。
電影《家有喜事》
Gamr gaugingr ngoq ge bengh hour mxhourdakj faanj nej?
噉究竟我嘅病好唔好得返呢？
Ngoq gongr dou gamr, soengjseon daaihgaaj douj gur dour laaj.
我講到噉，相信大家都估到啦。
電影《家有喜事》
Yatj bouh dinhsihgeij, haahbinh maaih loengq cinj, soenghbinh maaih baat cinj aax.
一部電視機，下便賣兩千，上便賣八千呀。
Yukj haaq douj geir baak maanh aax!
喐下都幾百萬呀！
Zapj dou siu aaj!
執到笑吖。
電影《樹大招風》
Zungh yauq aa. Pingxsix dij yanx gin dour ngoqdeih,
仲有啊。平時啲人見到我哋，
gengj dou hourciq zek amjceonj gamr gaa.
驚到好似隻鵪鶉噉㗎。
電影《鹿鼎記》
2.4 表示動作涉及嘅對象或範圍。
例句：
Biurdair, biurdaihfuq giu dou,
表弟，表弟婦叫到，
ngoq zauh minq keoiq yatj seir.
我就免佢一死。
電影《家有喜事》
Dou neiq laa, Naaixnaair.
到你喇，奶奶。
電影《家有喜事》
Lengjzair, dou neiq hour waanx cinr lowox.
僆仔，到你好還錢囉啝。
Waaj! Sair mxsair faat gam daaih laanhzaar aa?
哇！使唔使發咁大爛鮓啊？
電影《月光寶盒》
Geiyinx Funj goj ceotj dou sengj. Aar! Dimr waah dimr hour laaj.
既然歡哥出到聲，啊！點話點好啦！
電影《樹大招風》
Neiq zihsaat maih dakj loj?
你自殺咪得囉？
Ngoq cojcoj yauh mouq namr dou wuiq pukjgaaij gor faanh gaar.
我初初又冇諗到會仆街嗰瓣㗎。
Ngoq mouq maaiq neij yoengh aa.
我冇買呢樣啊。
Zihsaat mouqdakj puix gaa.
自殺冇得賠㗎。
電影《買兇拍人》
Gamjci gwaanjfux dou caaxcaanjtengj ge sangjseir cvnxmongx,
今次關乎到茶餐廳嘅生死存亡，
ngoq ceotjsaur hairlaaj.
我出手係啦。
電影《行運一條龍》