溜歌粵語

粵語嘅韻律大部分同普通話一樣，唔同嘅地方主要有兩方面：語調同重音。

一，語調

主要有兩點：

1，有啲句子嘅語調會同最屘一個單詞嘅聲調發生合併。

先睇下下便嘅例子.

從上便嘅圖可以睇到，老爺講嘅“haih”嘅音高，一直保持喺音高“2”上便（左圖）。而星爺講嘅“haah”嘅音高，由音高“2”開始，一路拉高到音高“5”嗰度（右圖）。

2，喺句子嘅局部，有啲單詞會改變聲調，從而相對凸顯出要表達嘅信息。

包括三種情況：

（1），聲調上升。

我哋先睇一個電影片段。

如圖所示，喺呢個片段入便，單詞“人”嘅聲調由“x”升高，變成“r”。即係由第4調升高爲第2調。

（2），聲調下降。

我哋再嚟睇第二個例子。

如圖所示，喺呢個片段入便，“哥”呢個字嘅聲調由“j”降低，變成咗“x”。即係由第1調下降爲第4調。

我哋平時使用哥哥（goxgoj）呢個單詞嘅後面部分goj。而對於特別熟嘅人，使用前面部分gox, 會顯得關係比較親切。

（3），上升同下降同時存在嘅情況。

比如名字有個“達”字嘅男性，我哋可以叫佢做：

達哥（daath goj).

如果比較熟嘅朋友，就可以叫佢（daatr gox).

即係，“達”字嘅聲調由“h”升高，變成“r”。即係由第6調上升爲第2調。同時，“哥”字嘅聲調由“j”降低，變成x”。即係由第1聲調下降爲第4聲調。

所以，粵語嘅句子，可以喺局部位置，通過升高或者降低單詞嘅聲調，或者通時使用呢兩個手段，嚟相對凸顯要表達嘅意思。

二，重音

我哋嚟睇一個例子。

喺上便兩個電影片段中，單詞“aaq”畀人嘅感覺有啲唔同。

唔同嘅地方就係，第二例子嘅aaq發嘅係重音。

順便提一句，感嘆句嘅q聲調，一般都發重音。

參考資料：《漢語韻律語法教程》馮勝利，王麗娟